വികസിത ഇരിങ്ങാലക്കുട: കരുതലോടെ, കുതിപ്പോടെ!

കേരളത്തിന്റെ ഉന്നതവിദ്യാഭ്യാസ - സാമൂഹ്യനീതി വകുപ്പ് മന്ത്രിയും ഇരിങ്ങാലക്കുടയുടെ എം.എൽ.എ.യുമായ ഡോ. ആർ.ബിന്ദുവിന്റെ നേതൃത്വത്തിൽ ഇരിങ്ങാലക്കുട നിയോജക മണ്ഡലത്തിൽ കഴിഞ്ഞ അഞ്ചു വർഷമായി വികസനത്തിന്റെ പുതിയ ചക്രവാളം തീർക്കുന്നു. വിദ്യാഭ്യാസ മേഖലയിലെ വികസന നവീകരണ പ്രവർത്തനങ്ങൾ, അടിസ്ഥാന സൗകര്യ വികസനം, പശ്ചാത്തല വികസനം, പൊതുമരാമത്ത് പാതകളുടെ നവീകരണം, പാർശ്വവൽക്കരിക്കപ്പെട്ടവർക്കുള്ള സാമൂഹ്യസുരക്ഷാ പദ്ധതികൾ, വിനോദസഞ്ചാര മേഖലയിലെ പുതിയ കാൽവയ്പുകൾ, പൊതുഗതാഗത സംവിധാനത്തിലെ മെച്ചപ്പെട്ട സേവനങ്ങൾ, ആരോഗ്യരംഗത്തെ അന്താരാഷ്ട്ര നിലവാരത്തിൽ കൂടുതൽ മികവുറ്റതാക്കുന്നതിനുള്ള വികസന പദ്ധതികളും പശ്ചാത്തല വികസനവും, ഭരണനിർവഹണ മേഖലയിലെ പശ്ചാത്തല വികസനം തുടങ്ങി നവകേരള സൃഷ്ടിയുടെ സമസ്ത മേഖലകളിലും, ദീർഘവീക്ഷണവുമായി തനതായ കൈമുദ്ര പതിപ്പിക്കുകയാണ് കഴിഞ്ഞ അഞ്ചു വർഷമായി ഇരിങ്ങാലക്കുട.